ఒక్క ఫైటు కూడా లేకుండా అనుబంధాలకు పెద్ద పీట వేస్తూ ‘సీతమ్మ వాకిట్లో సిరిమల్లె చెట్టు’ చిత్రాన్ని తీశామని చెప్పుకుంటున్నారు.
ఇందులో కథానాయకులు ఇద్దరూ గానీ, వారి తండ్రి గానీ ఒక్క పనీ చేయరు. పైగా ఆ తండ్రి తన తండ్రి సంపాదించినదంతా తింటూ తిరుగుతూ ఉంటాడు. సీతమ్మను కూడా చదివించినట్లు మనకు ఎక్కడా కనపడదు. ఆ ఇంట్లోని ఆడవాళ్ళందరూ సోమరిపోతులైన ఈ ముగ్గురు మగవాళ్ళకూ వండిపెట్టడమే పని. ఉద్యోగం చేసుకోమని వీరిచ్చే సలహా ఈ మగ మహారాజులకు పట్టదు.
ప్రతినాయకుడైన ‘రావు రమేష్’ చెప్పే మాటలే ఆచరణాత్మకంగా అనిపిస్తాయి.
నిజంగా చెట్టంత ఎదిగిన ఇలాంటి కొడుకులు ఏ పనీ చేయకుండా ఉంటే ఏ తల్లీ, తండ్రైనా భరించగలరా? మరి ఈ అప్రయోజకుల సినిమా ఎందుకు ఆడుతున్నట్లు?
డా. దాసరి రామకృష్ణ ప్రసాదు
పద్మావతి ఆసుపత్రి
చల్లపల్లి, కృష్ణాజిల్లా, ఆంధ్రప్రదేశ్.