లైటనింగ్ కాల్

ఎక్కడో సుదూరంగా వున్న హనుమాన్ జంక్షన్ లోని పెద్ద మంత్రగాడు ఫోను ద్వారా మంత్రం వేస్తే ఏ పాము కరిచినా వాడైనా బ్రతుకుతాడని చల్లపల్లి పరిసర జనాల ప్రగాఢ విశ్వాసం. పాము కరిచినపుడు జంక్షన్ మంత్రగాడికి ఫోన్ చేయవలసి వస్తే ఎస్. డి. టి. సౌకర్యం లేని ఆ రోజుల్లో టెలిఫోన్ ఎక్సేంజ్ వాళ్ళు మానవతా దృక్పధంతో ‘లైటనింగ్ కాల్’ ఇచ్చేవారు! కొంతమంది బ్రతికి బట్టకట్టేవారు. మరికొంతమంది చనిపోయేవారు. మంత్రం అద్భుతంగా పనిచేసి రోగులు బ్రతికారని ప్రజలలో ప్రచారం జరిగేది. మృతి చెందిని వారి విషయంలో వాళ్ళకు కాలం తీరిందని, విధిరాతనీ, లేక మరొక కారణమనీ జనం సానుభూతి పూర్వకంగా సర్ది చెప్పుకునేవారు.