చిట్టి మావయ్య గారు ఒక రోజు మమ్మల్న్ని చూడడానికి వచ్చారు.

‘ఈ రోడ్డు ఇలా ఉందేమిటి’ అని అడిగారు.

‘అవును మావయ్య గారూ ఎవరూ పట్టించుకోవడం లేదు’ అన్నాను.

‘నీ ఇంటి ముందు రోడ్డు నువ్వే పట్టించుకోకపోతే ఎవరు పట్టించుకుంటారు?’ అన్నారు.

ఈ వాక్యం నన్ను ఎప్పుడూ వెంటాడుతూనే ఉండేది.

ఇప్పుడు నేను మా హాస్పిటల్ రోడ్ నే కాదు, ఊరంతా బాగుచేయాలని సంకల్పించడానికి నాకు ఆ రోజు మా చిట్టి మావయ్య గారు ఇచ్చిన కౌన్సిలింగ్ కూడా ఒక ముఖ్య కారణం. చిట్టి మావయ్య గారికి చల్లపల్లి ఋణపడి ఉంటుంది.

మొన్న ఉదయం ‘స్వచ్చ చల్లపల్లి’ కార్యక్రమం ఆప్రాంతంలోనే జరిగింది. ఈ విషయాన్ని మా సహకార కార్యకర్తలందరికీ చెప్పడం జరిగింది.

 

బాబ్జీ,

చల్లపల్లి,

10.02.2020.